نبني موقع إلكتروني مجانًا لمشروعك

يعني بنبنيلك الموقع بدون ما تدفع تكلفة بناء. تكلفة البناء عليك صفر شيكل، وبتدفع بس اشتراك تشغيل المنصة اللي ببدأ من 497 شيكل شهريًا.

بدل ما تخاطر بمبلغ بناء ممكن يوصل لعشرات آلاف الشواكل، بتبدأ باشتراك شهري واضح. وقبل ما نبلّش، بنتفق معك على شو داخل بالموقع. إذا طلبت برمجة خاصة خارج الاتفاق، بنوضحلك تكلفتها قبل ما نشتغل عليها.

قبل ما نختار لون أو نكتب كلمة، بنفهم مشروعك: شو الخدمات اللي بتقدمها، مين الزبون المناسب إلك، وشو لازم يعرف قبل ما يترك رقمه. بعدها بنتفق معك على قائمة واضحة بكل الأشياء اللي لازم يعملها الموقع.

إذا الموقع ما نفّذ اللي اتفقنا عليه، بنضل نعدّل عليه بدون رسوم بناء إضافية لحد ما يشتغل زي ما اتفقنا. وخلال أول شهر، بتقدر تطلب أي تعديل على ألوانه أو شكله. إذا ما عملنا التعديل اللي طلبته، بتقدر تسترجع كامل قيمة اشتراكك الشهري، ومنرجعلك المبلغ فورًا.

هو موقع لمشروعك بجمع بمكان واحد كل إشي الزبون بده يعرفه قبل ما يتواصل معك: شو بتقدّم، شو خبرتك، ليش يختارك، وكيف يطلب استشارة.

الموقع معمول للمشاريع اللي بتبيع خدمات، والزبون فيها عادةً بسأل قبل ما يشتري. ولما يترك رقمه، الذكاء الاصطناعي بتواصل معه على الواتساب، بجاوب على أسئلته عن خدماتك وبجهّزه للاستشارة، حتى لو إنت مش فاضي ترد.

من أول ما الزبون يلاقيك على الانترنت لحد ما يطلب استشارة، الموقع بيساعدك على:

• تعرّف الناس على مشروعك وتعرض خدماتك وخبرتك بمكان واضح.

• تقنع الزبون المناسب ليش يختارك، وتقلّل الاستفسارات من ناس مش مؤهلة للشراء.

• تخلّي الزبون يترك رقمه أو يطلب استشارة بسهولة.

• تردّ عليه بسرعة على الواتساب من خلال الذكاء الاصطناعي، وتجاوب على أسئلته وتجهّزه للاستشارة.